Idman.biz
"Real Madrid"in mərkəz müdafiəçisi Raul Asensio bir neçə həftədir ki, baldır sümüyündəki stress sınığı ilə oynayır.
İdman.Biz xəbər verir ki, bu barədə COPE məlumat yayıb.
Asensio tam sağalmaq üçün fevral ayında fasilə verməyə ümid edir. Hazırda oyunçu klubdakı zədələrlə bağlı kadr problemlərinə görə risk edir.
Müdafiəçinin riskdən xəbərdar olduğu, lakin komandaya kömək etmək və yeni baş məşqçi Alvaro Arbeloanın heyətində özünü təsdiqləmək istədiyi bildirilir.
Asensio 2024-cü ildən bəri "Los Blancos"un əsas komandasında oynayır. Bu mövsüm o, klubun heyətində bütün yarışlarda 23 oyun keçirib və iki qol vurub.
View this post on Instagram
