Sport24.az
"Növbəti mövsüm üçün hazırlığımız plan üzrə davam edir. Məşqçilərin verdiyi tapşırıqları yerinə yetirməyə çalışırıq. Çempionatın ilk oyununa kimi hazır olarıq inşallah". Bu sözləri Sport24.az-a açıqlamasında"Sumqayıt"ın futbolçusu Rauf Rüstəmli deyib.
Müqavilə ilə "Sabah"a məxsus yarımmüdafiəçi bu yay icarə əsasında üz tutduğu "Sumqayıt"ın yeni mövsüm üçün hədəflərindən danışıb:
"Yoldaşlıq oyunlarında şans qazanıram və bu oyunlarda özümü yaxşı tərəfdən göstərməyə çalışıram. Baş məşqçimiz Saça İliçlə aramızda söhbətimiz olur. Səhvlərimi, nəyi düz, nə yanlış etdiyimi xırdalığına qədər izah edir. Çalışıram onun söylədiklərini yerinə yetirim. 2025/26 "futbol ili"ndə "Sumqayıt" yüksək yerlər uğrunda mübarizə aparacaq. Bunun üçün komanda olaraq hər şey edəcəyik. Baxımlı oyunla uğurlu nəticə qazanıb azarkeşlərimizi sevindirmək istəyirik".
Qeyd edək ki, "Qəbələ"nin yetirməsi olan Rauf Rüstəmli karyerası ərzində "Sabah" və "Şamaxı"nın formasını geyinib.
