Idman.biz
"Komandadan gedənlərin hər biri "Qarabağ"da yaxşı oyunlar göstəriblər. Hamısı da komanda üçün vacib oyunçular idi".
İdman.biz xəbər verir ki, bunu "Qarabağ"ın sabiq hücumçusu Rauf Əliyev Sportal.az-a açıqlamasında deyib.
O, komandadan ayrılan futbolçular haqda fikirlərini bildirib: "Fikrimcə, Yassin Benzia indi də komandaya lazım ola biləcək futbolçu idi. Müsahibələrini də oxuyurdum, öz çıxışlarından da görünürdü ki, "Qarabağ"da qalmaq ehtimalı var. Deyəsən, razılaşa bilməyiblər. Fikrimcə, Benzia komandaya bu sezon daha çox lazım ola bilərdi".
Əliyevin fikrincə, ölkəmizi Çempionlar Liqasında təmsil edəcək "Qarabağ" avrokuboklarda uğurlu çıxış edə biləcək: "Ola bilər ki, komanda son mövsümdə Avropa Liqasında o qədər uğurlu olmamışdı. Amma hiss olunur ki, komanda bu dəfə daha ciddi yanaşır. Transferlər də məncə zamanında edilsə, transferlər uğurlu çıxsa, "Qarabağ" Çempionlar Liqasnda əsas mərhələyə qədər irəliləyə bilər. Bu komandada bir sistem var, gələnlər də həmin sistemə tez uyğunlaşsa, onlar yenə də uğurları ilə Azərbaycan xalqını sevindirəcək. "Qarabağ"a uğurlar arzulayıram".
İdman.biz
