Sport24.az
"Kopenhagen"lə oyunda komandaya inam böyükdür". Bu sözləri Sport24.az-a açıqlamasında "Qarabağ"ın sabiq futbolçusu Rauf Əliyev deyib.
36 yaşlı keçmiş hücumçu UEFA Çempionlar Liqasında bu gün baş tutacaq "Qarabağ" - "Kopenhagen" (Danimarka) matçı ilə bağlı danışıb:
"İnanıram ki, səfərdə "Benfika"ya qalib gələn komanda bu gün də azarkeşləri, futbolsevərləri sevindirəcək. Evdə oynamaq üstünlüyümüzdür. Düşünürəm ki, rəqib də əvvəlki "Kopenhagen" deyil. Onlara qalib gəlmək olar. Fikirləşirəm ki, ən böyük üstünlük fanatlar və komandanın son qalibiyyətidir. Bütün bunlar qalibiyyət üçün əminlik yaradır".
Əliyev komandanın növbəti matçları haqqında danışıb:
"Futbolda hər şey ola bilər. Artıq "Qarabağ"ı hamı ciddi rəqib kimi qəbul edir. Komandamızdan hər şey gözləmək olar".
Qeyd edək ki, bu gün keçiriləcək "Qarabağ" - "Kopenhagen" matçı saat 20:45-də başlayacaq.
