Sport24.az
Premyer Liqaya V turu çərçivəsində "Araz-Naxçıvan" "Sumqayıt"ın qonağı olub. Sport24.az xəbər verir ki, oyundan sonra Naxçıvan klubunun məşqçisi Rasim Ramaldanov mətbuat konfransında jurnalistlərin suallarını cavablandırıb.
- Sumqayıtda oynamaq xoşdur. Dinamik və maraqlı oyun keçdi. Futbolçulara təşəkkür edirəm. Yaxşı oynadılar. Düzdür, qoldan sonra geri çəkildik və bəzi şeylər alınmadı. Buna baxmayaraq, qələbə həmişə gözəldir.
- Ötən tur son son dəqiqə qolu ilə qələbəni əldən vermişdiz. Bəzən belə anlarda ya komandada ruh düşkünlüyü yaranır, bəzən də qisas hissi. Sizdə hansı oldu?
- Bu, hansısa siqnal idi. Qol vurandan sonra komanda sanki geri çəkilir. Bunu aradan qaldırmağa çalışacağıq.
- Qarşıdakı fasilə komandaya necə təsir edəcək?
- Çatışmazlıqlar var. Yeni oyunçular da gəlib və uyğunlaşmaları üçün yaxşı period olacaq. Düşünürəm ki, fasilə xeyrimizə olacaq.
- Qarşınıza hansı hədəf qoyulub?
- Konkret hədəf qoyulmayıb. Maksimumu üçün çalışacağıq, alınsa, avrokuboklara düşmək istəyirik.
