Sport24.az
"Roma"nın baş məşqçisi Klaudio Ranyeri İtaliya A Seriyasının 37-ci turunun "Milan"la ev oyununda (3:1) yerli azarkeşlərin ona olan hörmətindən və komandaya güclü dəstəyindən danışıb. Sport24.az xəbər verir ki, italiyalı mütəxəsəssis bunu yüksək qiymətləndirib:
"Əlbəttə, insanların sizi qiymət verməsi çox xoşdur. Biz çətin yola başlamışdıq, amma kollektiv həmişə birliyini qoruyub-saxladı. Biz əsl komanda kimi çalışdıq, futbolçularıma minnətdaram, çünki vəziyyət həqiqətən də çətin görünürdü. Futbolçular, azarkeşlərimiz, klub prezidenti adına çox sevinirəm. Çalışıram ki, bu cür emosiyalar, mənfi və pozitiv hissləri qəbul edim. Futbolçularım ilk gündən mənimlə birlikdə oldular və onlar mənim xarakterimi bilirlər. Onlardan mənə kömək etmələrini istədim, sonra da komandaya inamı və sakitliyi qaytarmağı bacardım, amma yavaş-yavaş toparlandıq. Çempionlar Liqasına? Təbii ki, inanıram. Amma bunu yaxşı işlədikdən sonra edə bilərik. Turində bizi çox enerjili və kompakt komandaya qarşı çətin oyun gözləyir".
Qeyd edək ki, İtaliya çempionatında mövsümünün başa çatmasına bir tur qalmış "Roma" "Yuventus"dan 1 xal geri qalaraq turnir cədvəlinin 5-ci pilləsində qərarlaşıb. Son turda romalılar səfərdə "Torino" ilə qarşılaşacaq. "Yuventus" isə A seriyasını tərk etmiş "Venetsiya" ilə qarşılaşacaq.
