Sport24.az
Füzuli Məmmədovla yolları ayrıan "Mingəçevir"in "sükanı"nın Ramiz Məmmədova həvalə olunacağı məlum məsələdir. Sport24.az xəbər verir ki, klub rəhbərliyi hələ ki, onunla "izdivacı" rəsmiləşdirməsə də, yaxın vaxtlar 58 yaşlı mütəxəssislə rəsmi müqavilə imzalanacaq.
Məmmədov qeyri-rəsmi olsa da, artıq işə başlayıb. Yeni mövsüm üçün komandanı formalaşdırmağa çalışan Məmmədovun köməkçilərindən birinin adına artıq aydınlıq gəlib. "Nur şəhəri"nin yeni çalışdırıcısı Məqsəd Yaqubəliyevi yanına dəvət edib. Ötən mövsüm "Şamaxı"nın əvəzedici komandasının baş məşqçisi artıq "şirlər"lə vidalaşıb.
Qeyd edək ki, "Mingəçevir" rəhbərliyi 3 gün öncə Füzuli Məmmədovun müqaviləsinə qarşılıqlı razılıq əsasında xitam verib.
