İdman.biz
"Asan oyun olmayacaq".
Bunu İdman.biz-ə PFL-in sabiq prezidenti Ramin Musayev deyib.
O, bu gün Bakıda Avropa Liqasının Liqa mərhələsi çərçivəsində keçiriləcək "Qarabağ" - "Lion" qarşılaşması barədə danışıb. Musayev bildirib ki, Qurban Qurbanov komandasının praktikasının çox olduğunu desə də, rəqib zəif deyil: "Lion"un güclü oyunçuları var. Rəqibi zəif saysaq, uduzarıq. Ona görə də məsuliyyətli davranmaq lazımdır. Çox maraqlı oyun olacaq. Bu matçda "Qarabağ"ın qələbə qazanması və ya xal alması barədə danışmaq çətindir. Amma hamımız Azərbaycan təmsilçisinindən 3 xal gözləyirik. Yeganə komandadır ki, hazırda hamının ümidi onlardadır. Qələbə qazansaq gözəl olar. Bu baxımdan "Qarabağ"a uğurlar arzu edirəm. Yağışlı havada stadiona gələn azarkeşlərin sonadək oyunu izləyəcəklərini düşünürəm".
O, bu cür oyunlara onları dəvət almamasından da gileylənib: "Belə klublar bizləri oyunlarına baxmağa dəvət etməzlər. Çünki onlara lazım deyilik. Hazırda vəzifədə olanlar onlar üçün lazımlı və şərəfli hesab olunur".
Qeyd edək ki, komandalar arasında qarşılaşma Tofiq Bəhramov adına Respublika stadionunda saat 21:45-də başlayacaq.
Banuçiçək Hüseynli
İdman.biz
