Sport24.az
Ötən gün "Neftçi"dən ayrılan Ramil Şeydayevin yeni klubu yaxın günlərdə açıqlana bilər. Sport24.az-ın əldə etdiyi məlumata görə, hücumçu seçim qarşısındadır.
Redaksiyamıza daxil olan bilgiyə əsasən, Şeydayev karyerasını həm ölkə daxilində, həm də xaricdə davam etdirə bilər. Yerli klublardan "Sumqayıt" forvardın xidmətində maraqlıdır. Ancaq klub rəhbərliyi Şeydayevin məvacibi ilə bağlı tərəddüd içindədir. Ölkənin ən ödənişli futbolçularından birinin "kimyaçılar"ın təklifini qəbul edəcəyi sual altındadır.
Mənbəmiz onu da bildirib ki, Tükiyə I Liqasında mübarizə aparan "Serik Bələdiyəspor"da futbolçunun xidmətində maraqlıdır. Azərbaycanlı iş adamı Tufan Sadıqovun sahibi olduğu klubun baş məşqçisi Sergey Yuran Ramili komandasında görmək istəyir.
Qeyd edək ki, Şeydayev 2024-cü ilin yayında "Neftçi"yə keçib. O, "ağ-qaralar"ın heyətində 31 rəsmi oyun keçirib, 4 qol vurub.
