Sport24.az
"Qarabağ"ın futbolçusu Ramil Şeydayev mövsümün sonunda komandadan ayrılacaq. Sport24.az etibarlı mənbəyə istinadən xəbər verir ki, 29 yaşlı hücumçu Ağdam təmsilçisində göstərilən etimadı doğrulda bilməyib. Klub rəhbərliyi gözləntiləri qarşılamayan forvardla əməkdaşlığı davam etdirmək niyyətində deyil.
Sentyabr ayının ortalarında yenidən "Qarabağ"a qoşulan Şeydayev özü də komandadakı rolundan narazıdır və artıq yeni klub axtarışına başlayıb. O, cari mövsüm Misli Premyer Liqasında 6, Azərbaycan Kubokunda isə 1 matçda meydana çıxıb. Hücumçu ümumilikdə 385 dəqiqə şans qazansa da, nə qol, nə də məhsuldar ötürmə ilə yadda qalıb.
Qeyd edək ki, Ramil Şeydayev daha əvvəl 2017/2018 mövsümündə və 2021–2023-cü illərdə də "Qarabağ"ın formasını geyinib. Lakin bu qayıdış əvvəlkilər qədər uğurlu alınmayıb.
