Sport24.az
"Millimizi çox ağır oyun gözləyir. Komandamıza uğurlar arzulayıram". Bu sözləri Sport24.az-a Azərbaycan millisinin sabiq futbolçusu Rahid Əmirquliyev deyib.
Təcrübəli yarımmüdafiəçi DÇ-2026-nın seçmə mərhələsində bu gün baş tutacaq Azərbaycan - Fransa matçı ilə bağlı fikirlərini bölüşüb:
"Rəqib hazırda dünyanın ən güclü komandalarından biridir. Bəlkə də ən güclüsüdür. Oyunçulara baxsaq, çox güclü heyətləri var. Yığmamız üçün çox çətin olacaq. Heç kim böyükhesablı məğlubiyyət olmasını istəməz. Nə qədər istəsək də, bu səfərdən xalla qayıtmaq və ya qələbə ilə dönmək inandırıcı gəlmir. Ancaq ümid edirəm ki, millimiz ən azı əlindən gələni edəcək. Böyükhesablı məğlubiyyət olmasın".
Əmirquliyev futbolda hər nəticənin qeydə alına biləcəyini vurğulayıb.
"Ancaq inam var ki, millimiz Fransaya qarşı yaxşı oyun göstərəcək. Rəqib çox güclüdür. Futbolçularımız da bunu dərk edirlər. Ona uyğun hazırlaşırlar. Ümid edirəm ki, biabırçı və ya faciəvi hesab olmayacaq"
Qeyd edək ki, Fransa - Azərbaycan oyunu bu gün saat 22:45-də başlayacaq.
