Sport24.az
"Səfərdə oynadığımız üçün bir az çətinliklər ola bilər". Bu sözləri Sport24.az-a açıqlamasında Azərbaycan millisinin sabiq futbolçusu Rahid Əmirquliyev deyib.
Yığmanın keçmiş üzvü komandanın bu gün səfərdə İslandiyaya qarşı keçirəcəyi DÇ-2026-nın seçmə mərhələ matçı ilə bağlı fikirlərini bölüşüb:
"Rəqibin oyunlarını bu yaxınlarda heç görməmişəm. Son beş qarşılaşmanın təxmini nəticələrinə baxmışam. 4 məğlubiyyət və 1 qələbələri var. Oyun baxımından necə oynadıqlarını bilmirəm. Nəticə baxımından isə bizdə də ürəkaçan deyil".
Əmirquliyev Azərbaycan millisinin səfərdə xal qazanmaq ehtimalına toxunub:
"Bu rəqibə qarşı normal futbol oynaya bilərik. Qalib gələ və ya məğlub da ola bilərik. Ancaq düşünürəm ki, yaxşı oyun göstərməyə çalışmalıyıq. Səfərdə çox çətin olacaq. Meydan sahibləri də qalibiyyət üçün meydana çıxacaqıar. Məncə, millimiz rahat və inamlı oynamalıdır. İtirəcəyimiz heç nə yoxdur. Ən azından yaxşı oyun göstərə və səfərdən xalla qayıda bilərik".
Qeyd edək ki, bu gün baş tutacaq İslandiya - Azərbaycan oyunu saat 22:45-də start götürəcək.
