Sport24.az
"Çempionatın ilk turu həmişə ağır və gərgin keçir. Birinci oyunda hər komanda uğur qazanmaq istəyir. Şükürlər olsun ki, yeni baş məşqçinin rəhbərliyi altında 2024/25 "futbol ili"nı qələbəylə başladıq". Bu sözləri Sport24.az-a açıqlamasında "Şahdağ Qusar"ın kapitanı Rahid Əmirquliyev deyib.
Yığmanın sabiq üzv komandanın qarşısına qoyulan hədəfi də açıqlayıb: " "Yayda Elnur Abdullayev komandanın "sükanl arxasına" keçdi. O, gənc, iddialı mütəxəssisdir. Mövsümlərarası fasilədə yaxşı hazırlıq keçmişik. Qarşımıza çempion olub, I Liqaya çıxmaq hədəfi qoyulub. Yolun başlanğıcında qələbə qazanmaq xoşdu. Çempionat uzun marafondu. Çox istərdik ki, sonda finişə birinci çatan məhz biz olaq".
Qeyd edək ki, II liqanın ilk turunda "Şahdağ Qusar" doğma meydanda Bakı "Dinamo"sunu 3:0 hesabı ilə məğlub edib.
ABDULLA İSMAYILOĞLU
