Sport24.az
"Rəhbərlik yeni mövsümdə qarşımıza çempionluq tapşırığı qoyub. Əlimizdən gələni edəcəyik ki, "Şahdağ Qusar" mövsümü qalib kimi başa vursun. Bu yaşımda yetirməsi olduğumu komandanı yenidən daha üst liqada görmək istəyirəm. Ona görə hələ də futbol oynamaq həvəsindəyəm. Əlimizdən gələni edəcəyik ki, çempion olaq". Bu sözləri Sport24.az-a açıqlamasında Rahid Əmirquliyev deyib.
Təcrübəli futbolçu komandaya yeni baş məşqçi təyinatından da danışıb: "Qarşıdakı mövsümdə komandamızın baş məşqçisi Elnur Abdullayev olacaq. Vaxtilə onunla birgə futbol oynamışam. Abdullayev gənc, savadlı məşqçilərimizdəndi. Düşünürəm ki, onun "Şahdağ Qusar"a gəlişi yeni nəfəs və motivasiya olacaq".
Qeyd edək ki, "Şahdağ Qusar" ötən mövsümü II Liqada 3-cü pillədə başa vurub.
ABDULLA İSMAYILOĞLU
