Azərbaycan yığma komandasının idman direktoru İlqar Qurbanovun İTV-də yayımlanan "Sabaha saxlamayaq" verilişində "əvvəllər milliyə sifarişlə futbolçular çağırılıb" fikirləri müzakirəyə səbəb olub. Uzun illər milli komandamızın formasını geyinmiş Rahid Əmirquliyev Sport24.az-a məsələ ilə bağlı açıqlama verib:
"Açıqlama ilə tanışam. Bəlkə də İlqar fikirlərini düzgün ifadə edə bilməyib. Məncə özü də bu fikirdə deyil. Yığmada oynayanda belə hallar görməmişəm. İnanmıram ki, hansısa məşqçi sifarişlə oyunçuya dəvət etsin. Ola bilməz".