Lent.az
Keçmiş PSJ futbolçusu Rafinya, Lionel Messi, Kilian Mbappe və Neymarın eyni vaxtda komandada oynadığı dövrdən danışıb.
Lent.az xəbər verir ki, futbolçu PSJ-də ən güclü oyunçuların olduğu dövrdə belə niyə uğur qazana bilmədiklərini izah edib:
"Həmin mövsümöncəsi hazırlıq zamanı ilk məşqdə hamını görüb dedim ki, bu, işləməyəcək. Qapıdan başlayaq: Navas və ya Donnarumma. Onlardan biri oynayacaq, digəri isə qəzəblənəcək. Mübahisələr, məşqçi ilə qarşıdurmalar olacaq. Müdafiədə Markinyos əsas oyunçudur, onu heç kim əvəz edə bilməz; Kimpembe, PSJ-nin idolu; və Serxio Ramos. Hər mövqedə ən yaxşı müdafiəçilər. Hücumda isə Di Mariya, Mbappe, Neymar və Messi. Onlardan hansını ehtiyata salmaq olar? Di Mariyanı? Komandadakı nüfuzu və təcrübəsinə görə onu ehtiyatda saxlamaq olmaz. Bu sistem işləyə bilməz. Məşqçi üçün bu, mümkün deyil. Bu, adlara və oyunçu səviyyəsinə görə dünyanın ən güclü komandası idi, amma idarə baxımından dəhşət dərəcədə çətin idi. Mən o vaxt oynayırdım və olanları kənardan müşahidə edirdim".
Qeyd edək ki, keçən mövsümdə PSJ Mbappe, Neymar və Messisiz, Çempionlar Liqasının qalibi olub.
