Idman.biz
İspaniyanın "Barselona" komandasının hücumçusu Rafinya "Vilyarreal"la oyundan sonra ona ünvanlanan "Qızıl top" sualına münasibət bildirib.
İdman.Biz xəbər verir ki, braziliyalı futbolçu fərdi mükafatların onun üçün önəmli olmadığını açıq şəkildə ifadə edib.
Rafinya bu mövzunun diqqətini cəlb etmədiyini deyərək qısa cavabla kifayətlənib:
"Vecimə deyil. Mənim üçün maraqlı deyil".
Qeyd edək ki, Rafinya cari mövsümdə "Barselona"nın heyətində stabil və məhsuldar çıxışı ilə seçilir. Buna baxmayaraq, futbolçu diqqətini fərdi titullara yox, komandanın nəticələrinə yönəltdiyini bir daha nümayiş etdirib.
