Sport24.az
Braziliyalı futbolçu Rafael Utziq "Zirə" klubundan ayrılmaq istəyir. Sport24.az xəbər verir ki, bu barədə Bakı təmsilçisinin baş məşqçisi Rəşad Sadıqov "CBC Sport"da yayımlanan "Bizim futbol" verilişində bildirib.
O, 28 yaşlı hücumçunun "qartallar"la müqaviləsinin davam etdiyini də xatırladıb.
"Karyerasında yenilik istəyir. Komandamız üçün böyük işlər görüb. Ona hörmətim və sevgim var. Açıq danışdıq. Gələcək planlarımda onu düşünməyəcəyimi dedim. Sadəcə, rəhbərliklə danışıq aparmalı olduğunu söylədim. Onun komandadan ayrılacağı gözlənilir. İstəyindən sonra transferə çıxarılıb. Ürəyi, ağlı bizimlə deyilsə, o insanla yoluma davam etmək istəmirəm. Onu bəyənirəm. Xarakterli və yaxşı oyunçudur. Amma beynində "Zirə"ni bitiribsə, onunla yola davam etmək istəmirəm".
Qeyd edək ki, Rafael Utziq 2024-cü ilin yayında "Zirə"yə keçmişdi.
