Sport24.az
"Ev sahibi olaraq bu gün qələbə qazanmaq və Kiprdəki ilk oyunda 6 top fərqiylə məğlubiyyətə layiq olmadığımızı göstərmək istəyirdik. Bunu bacardığımıza sevindik. Konfrans Liqasıyla vidalaşsaq da, qapını möhkəm çırpdıq. Bundan sonra bütün diqqətimizi çempionata yönəldəcəyik". Bu sözləri Sport24.az-a açıqlamasında "Zirə"nin üzvü Rafael Utziq deyib.
Qəsəbə təmsilçisinin braziliyal legionerriı avrokuboklarda vurduğu qollardan da danışıb: "Qol vurmaq, özü də qitəmiqyaslı yarışlarda rəqib qapıçılarını məyus etmək çox xoşdu. Amma əsas mənim qol vurmağım yox, komandamın maksimum irəli getməsiydi. Çox istəyirdik ki, Konfrans Liqasının qrupuna düşək. Lakin alınmadı. Amma nikbinik və inanıram ki, növbəti mövsümdə "Zirə" avrokubokların qrupunda oynayacaq".
"Sambaçı" Premyer Liqa ilə bağlı fikirlərini bölüşüb: "Bütün forvardlar və hücumameyilli oyunçular maksimum çox qol vurmaq istəyir. Təbii ki, mən də o cümlədən. Buna rəğmən əsas futbolçunun şəxsi marağı yox, komandanın hədəfidi. Mən də qollarımı sıralamaqla tək özümün yox, komandamın uğuruna tövhə verəcəmsə, özümü xoşbəxt hesab edərəm".
Qeyd edək ki, "Zirə" Konfrans Liqasının cavab qarşılaşmasında dünən "Omoniya"nı 1:0 hesabı ilə mğlub etsə də, iki oyunun nəticəsinə görə mübariznə dayandırıb.
ABDULLA İSMAYILOĞLU
