Sport24.az
"Kəpəz"lə oyunun çətin keçəcəyini bilirdik. Rəqibimiz son turlarda məğlub olmurdu. Matçda üstün tərəf biz olsaq da, oyun heç-heçə bitdi. Qalib gəlmək şansımız çox idi, amma ən əsası bir xal götürə bildik". Bu sözləri Sport24.az-a açıqlamasında "Şamaxı"nın kapitanı Rafael Məhərrəmli deyib.
"Şamaxı"nın yarımmüdafiəçisi növbəti mövsümdən reallaşacaq legioner limitinin ləğvi qərarına da münasibət bildirib:
"Bu haqda dəqiq bir söz deyə bilmərəm. Rəqabət olmasa, inkişaf olmaz. İstər legioner olsun, istərsə də yerli, onsuz da oynamaq kimin haqqıdırsa, o da meydana çıxacaq. İnşallah, yeni qərar Azərbaycan futbolunun və futbolçularının xeyrinə olar".
Qeyd edək ki, Misli Premyer Liqasının 23-cü turunda "Şamaxı" səfərdə "Kəpəz"lə "sülh" bağlayıb - 1:1.
