Idman.biz
Türkiyənin "Beşiktaş" klubunda çıxış edən portuqaliyalı hücumçu Rafa Silvanın klub daxilindəki böhranla bağlı ciddi qərar verdiyi iddia edilib.
İdman.Biz xəbər verir ki, 32 yaşlı futbolçu "Fənərbaxça" derbisindən öncə klub prezidenti Serdal Adalı ilə görüşərək futbolla vidalaşmaq istədiyini bildirib.
Adalı ilə keçirdiyi ilk görüşdən sonra Silva müəyyən şəkildə razılaşdırılıb və həmin derbidə forma geyib, lakin daha sonar məşqlərdə iştirak etməyib.
Səudiyyənin "Əl-Əhli" klubunun Silva ilə maraqlandığı da yayılan məlumatlar arasındadır.
Qeyd edək ki, Rafa Silva 2024-cü ildə "Benfika"dan "Beşiktaş"a transfer olunub və müqaviləsi 2027-ci ilə qədərdir. Son dövrlər baş məşqçi Sergen Yalçın ilə münasibətlərində soyuqluq olduğu iddia edilir və bu da onun komanda daxilindəki motivasiyasına təsir göstərir.
