Qvardiolanın "Barselona"ya qayıtmamasının səbəbi açıqlanıb

Ötən mövsümün sonunda Karles Planşar Pep Qvardiolanın köməkçisi postundan ayrılıb. Onlar 2007-ci ildən "Barselona", "Bavariya" və "Mançester Siti"də birlikdə çalışıblar.

Lent.az bildirir ki,  "Sport" nəşri ispaniyalının keçmiş köməkçisi ilə müsahibəni dərc edib. Planşat üç klub arasındakı fərqləri və Pepin niyə "Barselona"ya qayıtma ehtimalının az olduğunu izah edib.

"Mançester Siti"də görürsən ki, klubdakı, ətrafdakı insanlar, azarkeşlər - hamısı buna bağlıdır. Təbii ki, bununla razılaşmayanlar var, lakin onlar meydana çıxanda öz komandalarının bir hissəsi olurlar və onu sona qədər müdafiə edirlər. Mən bunu illər əvvəl "Liverpul"da Benitesi ziyarət edəndə görmüşəm. "Siti"də də, bizim də bir ailəmiz var idi? Ferran Soriano və Çiki".

Jurnalist dərhal Qvardiolanın "Barselona"ya qayıtmaq istəməməsinin səbəbinin olub-olmadığını soruşub.

"Bu, onun qərarıdır və o, buna görə məsuliyyəti öz üzərinə götürməlidir, amma mən açıq şəkildə başa düşürəm ki, onun "Siti"də bu qədər il keçirməsinin səbəbi budur. Onlar bizə ailə kimi rəftar etdilər. Bizə evdəymiş kimi işləməyə icazə verdilər. O, "Barselona"da və ya "Bavariya"da özünü başqa cür hiss edirdi".

Keçən ilin noyabrında Qvardiola "şəhərlilər" ilə müqaviləsini 2027-ci ilə qədər uzadıb. Bəs bu mövsüm Pep üçün Mançester Siti" də sonuncu mövsüm ola bilərmi?

"Bu, onun şəxsi qərarıdır. Məncə, layihə beş-altı il davam etməlidir, daha çox deyil. Amma onun üçün yox, hamı üçün. Bundan sonra onun bərpa olunması lazımdır. Bir dost kimi ona yeni layihə axtarmağı məsləhət görərdim. Çünki onun hələ əldə edəcəyi çox şey var".