Idman.biz
"Mançester Siti"nin baş məşqçisi Xosep Qvardiola İngiltərə Premyer Liqasının 20-ci turunda "Çelsi" ilə qarşılaşacaqları oyundan əvvəl klubdan ayrılacağı ilə bağlı şayiələrə qıcıqlandığını bildirib.
İdman.Biz xəbər verir ki, Qvardiola bədxahlarına sərt sözlərlə xitab edib.
"Mən niyə öz fikrimi sizə bildirməliyəm ki? Bu, sadəcə şayiədir. Siz məni qovmaq istəyirsiz? Aman Allahım. Mənim müqaviləm var, bunu artıq milyon dəfə demişəm. Amma mənim avtoritetim sıfırdır, elə deyilmi? Bilirəm ki, 10 ildir məndən bezmisiz. Siz mənim getməyimi istəyirsiz? Bəli, demək olar ki, buna əminəm. Bilirsiz, mən bir gün gedəcəm. Söz verirəm. Amma müqaviləm var, xoşbəxtəm, komandamla mübarizə aparmaq istəyirəm. Rəhbərlik mənə hörmət edir. Bunu ötən mövsüm klubda baş verənlərlə sübut etdilər, iki-üç ay ərzində bir oyunu belə qazana bilmədiyimiz zaman. Onlar məni dəstəkləyirlər. Axı mən nə edə bilərəm? Bəlkə bir gün bu baş verəcək, bilmirəm. Futbol sürprizdir. Yalnız nə qədər şanslı olduğumu təsdiqləyə bilərəm. İndi olduğum klubdayam və burada da qalıram. Mənim klubum fövqəladədir" – "The Sun" qəzeti Qvardiolanın sözlərini sitat gətirib.
İngiltərə Premyer Liqasında oynanılan 19 oyundan sonra "Mançester Siti" 41 xala malikdir və turnir cədvəlində ikinci yeri tutur. "Çelsi" isə 30 xalla beşinci yerdədir.
