Sport24.az
"Onunla danışanda o, sadəcə gülür, gülür və gülür... O, həm də çox etibarlı oyunçudur, sürətlidir, inanılmaz dərəcədə cəlddir. Əla ötürmələri var. O, xətləri qırır, bu bacarığı var. Onun hələ də inkişaf etməsi lazımdır. Nəzərə alaq ki, onun cəmi 20 yaşı var". Sport24.az xəbər verir ki, bu sözləri Pep Qvardiola Abdulkodir Xusanov barədə klub saytına açıqlamsında deyib.
"Mançester Siti"nin baş məşqçisi özbək futbolçunun üstün cəhətlərindən danışıb:
"Mən yüksək sürətə malik oyunçular görmüşəm və o, onlardan biridir. İnsanlar ona pərəstiş edirlər. Susur, şikayətlənmir və çox təvazökardır. Əminəm ki, azarkeşlərimiz onu sevəcəklər. "Çelsi" ilə oyunda 5-ci dəqiqədə baş verənlərdən sonra psixoloji cəhətdən sınmadı". O, sakit qaldı və bunun öhdəsindən gəldi. Xusanov son matçlarda həqiqətən yaxşı idi".
Qeyd edək ki, Xusanov qış "transfer pəncərəsində" "Mançester Siti"yə keçib.
