Idman.biz
"Mançester Siti"nin baş məşqçisi Xosep Qvardiola Avropanın ən yaxşı gənc oyunçusuna verilən illik "Golden boy" mükafatının finalçısı seçilən komandasının 20 yaşlı yarımmüdafiəçisi Niko O"Rayli haqqında danışıb.
İdman.Biz-in məlumatına görə, Qvardiola hesab edir ki, belə mükafatlar və komplimentlər futbolçuları cızığından çıxarmamalıdır.
"O, həmişə yüksək səviyyədə oynayır, lakin gənc oyunçular onlara deyilən komplimentlərlə bağlı ehtiyatlı olmalıdırlar. Müasir futbolda psixoloji sabitlik ən vacib şeydir. Onların 10-15 illik karyeraya ehtiyacı var. Əgər başlarında problem varsa, bu, mümkün deyil. Onun (O"Raylinin) milli komandaya düşməsi həqiqətən əladır. O"Rayli üçün orada olmaq artıq çox vacibdir", - klubun rəsmi saytı Qvardiolanın fikirlərini dərc edib.
Bu mövsüm O"Rayli bütün turnirlərdə klubda 9 oyun keçirib və bir məhsuldar ötürmə edib.
