Sport24.az
"Mançester Siti" Premyer Liqanın XI turunda "Brayton"a məğlub olub və bu, "şəhərlilər"in bütün turnirlərdə ardıcıl dördüncü yenilgisidi. Sport24.az xəbər verir ki, daha əvvəl Xosep Qvardiolanın çalışdırdığı komanda Çempionlar Liqasında Portuqaliyanın "Sportinq" (1:4), İngiltərə çempionatında "Bornmut" (1:2) və İngiltərə Liqa Kubokunda "Tottenhem"ə (1:2) uduzub.
"Opta Sports"un məlumatına görə, "Mançester Siti" ilə belə hadisə 2006-cı ildən bəri baş verməyib. Bundan başqa, Qvardiola məşqçilik karyerasında ilk dəfə dalbadal dörd matçda məğlub olub.
Qeyd edək ki, "Mançester Siti" hazırda 23 xalla turnir cədvəlinin ikinci pilləsindədi. Premyer Liqanın vahid lideri isə 28 xalla "Liverpul"dur.
