Idman.biz
"Mançester Siti"nin baş məşqçisi Xosep Qvardiola cari mövsümün sonunda klubdan ayrılmaq variantını nəzərdən keçirəcək.
İdman.Biz bu barədə "The Times"a istinadən məlumat verir.
Məlumata görə, ispaniyalı məşqçinin klubdakı gələcəyi ilə bağlı hazırda qəti qərar yoxdur. Qvardiola və onun heyətinin "Mançester Siti"yə varis tapmaqda kömək etməyə hazır olduğu vurğulanır. Lakin bu məsələ ilə bağlı son qərarı klub verəcək.
54 yaşlı mütəxəssis 2016-cı ildən "Mançester Siti"yə rəhbərlik edir. Onun hazırkı müqaviləsi 2027-ci ilə qədərdir. Qvardiolanın rəhbərliyi altında klub altı dəfə İngiltərə Premyer Liqasının titulunu qazanıb.
