Sport24.az
"Mançester Siti"nin baş məşqçisi Xosep Qvardiola yeni mövsüm başlamazdan əvvəl heyətə əl gədirəcəyini bildirib. Sport24.az xəbər verir ki, o, bununla bağlı ESPN-ə açıqlama verib:
"İndi əlimizdə olan oyunçuları komandada saxlamaqdan məmnun olardım. Futbolçulardan, onların davranışlarından şikayətim yoxdur. Ehtiyatda altı və ya yeddi oyunçuya ehtiyacım yoxdur.
Problem ondadır ki, mövsüm ərzində kədərlənəcəklər, məyus olacaqlar. Mən bunu istəmirəm.
Bizim indi çox böyük heyətimiz var, ona görə də bu mövsüm 26 və ya 27 oyunçuya güvənə bilmərik, bəziləri gedəcək".
Qeyd edək ki, Qvardiola ötən mövsümün sonunda şişirdilmiş heyətlə işləmək məcburiyyətində qalacağı təqdirdə komandadan ayrılacağını bildirmişdi.
