Sport24.az
"Maneçster Siti"nin baş məşqçisi Xosep Qvardiola Premyer Liqada "Liverpul"a qarşı keçirdikləri oyunu şərh edib. Sport24.az xəbər verir ki, mütəxəssis 0:2 hesabıyla başa çatan matçla bağlı bunları deyib:
"Liverpul"u təbrik edirəm, qələbəyə layiq idilər. İlk 15-20 dəqiqə onları dayandırmaq mümkün olmadı. Bəxtimiz də gətirmədi və qol vurdular. Fiziki cəhətdən bizdən daha güclü idilər.
Müdafiədə daha etibarlı olmalıyıq. Nə deyə bilərəm? Edə biləcəyim tək şey həll yolu tapmaqdır. Doğru zamanda komandanın yenidən zirvələrdə olması üçün lazım olan qərarları verəcəyik".
"Liverpul" Premyer Liqada 34 xalla birinci sıradadır. "Mançester Siti" isə 23 xalla beşinci pilləni tutub.
