Sport24.az
"Mançester Siti"nin baş məşqçisi Xosep Qvardiola Premyer Liqada "Aston Villa"ya qalib gəldikləri oyunu şərh edib. Sport24.az xəbər verir ki, mütəxəssis 2:1 hesabıyla bitən matçla bağlı bunları deyib:
"Belə şeyə öyrəşməmişik. Adətən son dəqiqələrdə qol vuran "Liverpul" olur. Bunu çox etməmişik və indi xoşbəxtəm. "Aston Villa" hazırda Avropanın ən yaxşı komandalarından biridir. Onlara qarşı çox yaxşı oynadıq. Mübarizədə aqressiv idik və inanılmaz şəkildə müdafiə olunduq. Çox razı qaldım. Futbol emosiyalar oyunudur. Son iki oyunda çox çətinlik yaşadıq, ancaq nəticədən çox razıyıq".
"Mançester Siti" 34 turdan sonra 61 xalla 3-cü sıradadır.
