Idman.biz
"Real"in sabiq yarımmüdafiəçisi Quti Xabi Alonsonun gedişindən sonra Alvaro Arbeloanın "Real"ın baş məşqçisi təyin olunmasına münasibət bildirib.
İdman.Biz xəbər verir ki, Quti bu barədə İspaniya KİV-ə danışıb.
Qeyd edək ki, 42 yaşlı mütəxəssis bundan əvvəl "Real"ın gənclər komandalarını çalışdırıb. O, may ayında "Kastilya"nın baş məşqçisi postuna gətirilib.
"Burada müəyyən bir sirr var, amma Zinəddin Zidan "Kastilya"dan əsas komandaya gəldiyi vaxt da eyni vəziyyət yaşanmışdı və işlər o zaman da çox yaxşı getmirdi.
Klub Arbeloanın nəyə qadir olduğunu bilir. Çünki o, uzun müddət gənclər komandalarında çalışıb.
Əgər ona bu qədər məsul vəzifə həvalə ediblərsə, deməli, ona inanırlar. Biz də onun işlərinin necə alınacağını izləyəcəyik", – deyə Quti bildirib.
