Sport24.az
Şimal bölgəsini təmsil edən komandalar stadion problemi səbəbindən ev oyunlarını müxtəlif bölgələrdə keçirmək məcburiyyətindədi. Sport24.az xəbər verir ki, II Liqada çıxış edən "Şahdağ Qusar" ötən mövsüm olduğu kimi 2024/25 "futbol ili"ndə də rəqiblərini Şamaxıda qəbul edəcək.
"Qusar"da evindən perik düşənlər arasındadı. Bölgənin eyniadlı kollektivi böyük ehtimalla, yenə Sumqayıta üz tutacaq.
Bu il ilk dəfə II Liqada debüt edəcək "Şimal"ın da stadion problemi var. Xaçmaz təmsilçisi ev oyunlarını Siyəzəndə keçirməyi düşünür. Ancaq xaçmazlıların stadion problemi ilin sonunadək həll oluna bilər. Redaksiyamıza daxil olan məlumata əsasən rayonun icra başçısı qısa vaxtda Xaçmaz Olimpiya Kompleksinin stadionunun çempionat oyunlarına hazır vəziyyətə gətirilməsi ilə bağlı müvafiq qurumlara göstəriş verib.
