Sport24.az
"Transfer pəncərəsi"ndə bəzi oyunçuları həyətimizə qatmışıq. Bəzi transferlər isə sadəcə alınmadı". Sport24.az xəbər verir ki, bu sözləri "Qarabağ"ın baş məşqçisi Qurban Qurbanov deyib.
Azərbaycan Televiziyasına müsahibə verən təcrübəli mütəxəssis hücumçu transferinin alınmamasına toxunub:
"Bu, bizim istəyimizlə bağlı olan məsələ deyildi. İki futbolçu var ki, onları daha çox istəyirdik. Biri sırf hücumçu, digəri isə sol vinger idi. Bu oyunçuları komandamızda görməyi həddindən artıq çox istəyirdik".
"İki klubla da çox geniş danışıqlar getdi. Hər gün danışıqlar onlar tərəfindən dəyişilirdi. Qarşımıza başqa hədəflər qoyulurdu. Razılaşma ərəfəsində həddindən artıq böyük məbləğlər deyildi. Məncə, ona da razılıq versəydik, başqa danışıqlar olacaqdı. Bəlkə də bizə qeyri-peşəkar yanaşdılar. Ona görə danışıqlar dayandı. Üçüncü oyunçunun iki klubu var idi, sənəddə problem yaşandı. İnanın, sonadək danışıqları davam etdirdik".
