Idman.biz
"İlin sonunda həmişə komandada problemlər olur. Bir neçə oyunçumuz zədəli, yorğundur. İstənilən böyük komandaların da problemləri var".
İdman.Biz bildirir ki, bunu "Qarabağ" klubunun baş məşqçisi Qurban Qurbanov bildirib.
"Biz daim heyətdə daha yaxşı və keyfiyyətli oyunçuların olmasının tərəfdarıyıq. Bunun da üzərində iş gedir. Dünya bazarına çıxmaq istəyiriksə, bu hallar mütləq olmalıdır. Yaxşı klubdan oyunçularımıza təklif olarsa, bu bazara girmək üçün də dəyərləndirə bilərik. Bunadək bir neçə transferimiz olub. Özümüz də komandaya əlavə oyunçular gətirməliyik.
İşin gedişatı belədir. Elə şey yoxdur ki, bu futbolçu heç yerə getməyəcək, komandada olacaq. İstəyirik ki, daha üstün liqalara getsinlər. Belə olan halda, buna "yox" deməyəcəyik. İmkan olduğu qədər "transfer pəncərəsi"ndə bir neçə oyunçu cəlb etmək istəyirik ki, komandamız daha sağlam və daha keyfiyyətli olsun", - Qurbanov əlavə edib.
