Sport24.az
"Əvvəlki raundda hər iki oyunda qalib gələn komandaya qarşı oynayacağıq. Hər kəs FCSB-nin qalib gələcəyini düşünürdü. Amma əksi oldu. "Şkendiya" hər iki görüşdə qələbə qazandı".
Sport24.az xəbər verir ki, bu sözləri "Qarabağ"ın baş məşqçisi Qurban Qurbanov "CBC Sport"a açıqlamasında deyib.
Təcrübəli mütəxəssis Şimali Makedoniyada "Şkendiya"ya qarşı keçirəcəkləri III təsnifat mərhələsinin ilk oyunu ilə bağlı fikirlərini bölüşüb:
"Biz ilk olaraq öz hazırlığımızı yaxşılaşdırdıq. Oyunçuların formasını qaydasına sala bildik. Daha həvəsli və istəkli kollektivə qarşı oynayacağıq. Hər halda çox diqqətli olmalıyıq. Rəqib xarakterli komandadır. İlk oyundan sonra onları daha yaxından tanıyacağıq. Yaxşı oyun göstərməyə çalışacağıq.
O, yeni transfer Joni Montielin hələlik tam hazır olmadığını deyib: 2İki həftə və ya 20 gün lazım gələcək".
Qeyd edək ki, "Şkendiya" - "Qarabağ" oyunu avqustun 5-də keçiriləcək.
