İdman.biz
"Vacib qələbə oldu. Aktiv oyun izlədik. Avropa təcrübəsi çempionat oyununa fayda verdi".
İdman.biz xəbər verir ki, bunu "Qarabağ"ın baş məşqçisi Qurban Qurbanov deyib.
Təcrübəli mütəxəssis Azərbaycan Premyer Liqasının V turunda "Zirə" üzərində qazanılan 3:1 hesablı qələbəni şərh edib: "Avropakuboklarından sonra istirahət üçün bir gün vaxtımız çox idi. "Zirə" bizdən bir gün az istirahət etdi. Daha dinamik, daha sürətli oyun oldu. Hər iki komandaya təşəkkür düşür. Azarkeşlərimizə də təşəkkür edirəm. Bakıdan kənarda olsa da, bizə dəstək oldular. Bir neçə oyunçumuz istirahət edəcək, bəziləri milliyə yollanacaq. Uğurlar arzulayıram".
Qurban Qurbanov Avropa Liqasının təqviminə də münasibət bildirib: "Təqvimi tam dəyərləndirməmişəm. Maraqlı formatdı. Pley-offsuz minimum 8 oyun keçirəcəyik. Sonra necə olacaq, onu zaman göstərəcək. Maraqlıdır. 8 fərqli komandaya qarşı oynayacağıq. Azarkeşlər üçün maraqlı olacaq. Bizim üçün isə daha çətin olacaq. Bu da işimizə mane ola bilər. Təqvim hamı üçün eynidir. Yaxşı komandalar var. Çempionlar Liqası səviyyəsində komandalarla qarşılaşacağıq. Sanki orada oynamağa layiqdirlər. Turnir ilk dəfə belə formatda keçirilir. Görək necə olacaq. Çalışacağıq ki, ölkəmizi layiqincə təmsil edək".
Qeyd edək ki, "Qarabağ" bu qələbədən sonra 3-cü pilləyə yüksəlib.
İdman.biz
