Sport24.az
Misli Premyer Liqasının XXIII turunun "Neftçi" – "Qarabağ" oyunundan (0:1) sonra qonaq komandanın baş məşqçisi Qurban Qurbanov jurnalistlərin suallarını cavablandırıb. Sport24.az xəbər verir ki, mütəxəssis görüşlə bağlı fikirlərini bildirib:
– Vacib qələbə qazandıq. Ələlxüsus da, azlıqda olanda. Bəzən belə oyunlarda futbolçuların xarakteri önə keçir. Uşaqlar uduzmaq istəmirdi. Meydandakı mübarizə bunu göstərirdi. Düşünürəm ki, yaxşı, baxımlı oyun getdi. Hər iki komandanın fanatlarına təşəkkür edirəm. Yaxşı futbol atmosferi var idi. "Neftçi"yə uğurlar arzu edirəm.
– Kevin Medina ilə bağlı ölçü götürüləcək?
– Bu cür oyunlarda elə sərt oynamaq olmaz. "Neftçi" azarkeşləri ona nalayiq ifadələr işlədirdi. Bu da ona təsir edirdi. Hər bir halda, uşaqlara demişəm ki, belə hallara hazır olmaq lazımdır. Futbolçunu da başa düşmək lazımdır. Bəzən emosiyaları saxlaya bilmirlər. Hər insan nə edirsə, özünə edir. Fikirləşmək lazımdır ki, futbol kollektiv oyunudur. Hər epizodda daha dəqiq, səlis oynamaq lazımdır. Özü öz cəzasını verdi. Bir neçə oyun olmayacaq, əlavə pul cəriməsi və s… Hər bir halda, sonda qələbə qazandıq.
