İdman.biz
"Futbolçuları təbrik edirəm. 4:1 hesablı qələbə qazansaq da, möhkəm komandaya qarşı oynadıq. İlk matç çempionata çox ciddi yanaşmalı olduğumuzu göstərdi. Oyundan narazı qalmadım. Futbolçuların bəzi epizodlarda davranışından narazı idim".
İdman.biz xəbər verir ki, bunu "Qarabağ"ın baş məşqçisi Qurban Qurbanov Azərbaycan Premyer Liqasının 2024/2025 mövsümün ilk oyunun şərh edərkən deyib.
Təcrübəli mütəxəssis Çempionlar Liqasının III təsnifat mərhələsində qarşılaşacaqları "Lüdoqorets" haqqında da fikir bildirib: "İki gün əvvəl "Lüdoqrets"in oyununu canlı izlədim. Fərdi ustalığı olan futbolçuları var. Çox sürətli oynayırlar, hücumu yaxşı tamamlayırlar. Ciddi hazırlaşmaq tələb olunur. Komanda oyunu öz yerində, fərdi və təkətək mübarizələrdə diqqətli oynamalıyıq. Bu, çox vacibdir. Əks-hücumların qarşısını almaq da vacibdir. Buna hazır olmalıyıq. Məşqçi də hiss olunur ki, çox tələb edir bu oyunu. Bir neçə kombinasiyaları var, bundan istifadə edirlər. Hamımız üçün maraqlı oyunlar olacaq. Ola bilər ki, çox güc srəf edək. Taktiki mübarizə də gedə bilər. Çox hazır olmalıyıq".
Qeyd edək ki, "Qarabağ" mövsümün ilk oyununda "Araz-Naxçıvan"a 4:1 hesabı ilə qalib gəlib.
İdman.biz
