Sport24.az
"Qarabağ"ın baş məşqçisi Qurban Qurbanov UEFA Çempionlar Liqasının pley-off mərhələsində Bakıda Xorvatiyanın "Dinamo" (Zaqreb) klubuna qarşı keçiriləcək cavab oyunundan öncə təşkil olunmuş mətbuat konfransında jurnalistlərin suallarını cavablandırıb. Sport24.az xəbər verir ki, 52 yaşlı mütəxəssis ilk matçdakı məğlubiyyətə baxmayaraq, mərhələni keçəcəklərinə inamın böyük olduğunu bildirib:
- Səfərdə məğlub olduz. Sabah da uduzsaz, bunu şəxsi faciə hesab etməyəcəksiz?
- Hər bir məğlubiyyəti faciə kimi düşünəcəyiksə, bu sənətdə işləməyə dəyməz. Çünki idmanda nəticə, məğlubiyyət, bərabərlik olur. Ona görə istənilən nəticəyə hazır olmalıyıq. Biz ümumi işimizə dəyər verməliyik. Bir şeyə əmin olmuşam ki, biz hər oyuna çox məsuliyyətlə yanaşmışıq. Geridə nəsə alınmayıbsa, məsuliyyətsizlikdən bir şey olmayıb. Sadəcə burada rəqibin üstünlüyü olub, ya hansısa digər detallar olub. Hər bir halda, biz məğlub oluruqsa, nəticə çıxarırıq, sabah qalib gəlmək istəyirik. Bu oyuna vaxtımız var. Bu matçda məğlub olmaq istəmirik.
- Sabah Koxalskiyə, yoxsa Buntiç şans verəcəksiz?
- Oyuna qədər tam qərar verəcəyik.
- Zədəlilərin durumu nə yerdədir?
- Veşoviçdə durum pis deyil. Srağagün komandaya qoşulub. Bu gün də komanda ilə məşq etməldir. Sabah həkim kontrolundan sonra ən azından 23-lükdə olsun. Marko Yankoviç fərdi məqş edir.
- Julio Romanonun cəzalı duruma düşüb-düşməməsi haqda arxayınçşılığınız var idi? Çünki bəziləri bildirirdi ki, cəzalı durumdadır...
- Şübhəmiz var idi. Çünki reqlamentdə ümumən üç sarı vərəqə cəzalı duruma düşür. Sadəcə orada bir ünasn var idi, o bəndi incələmək lazım idi. Biz ilk turu buraxmışdıq. Üç tur dalbadal sarı vərəqə almalıdır. Narahatçılıq var idi. Arxayınşçılığımız var idiki, Romao oynayacaq. Amma yenə də, qəti hazırlıq kağızı istəyirdik UEFA-dan. Elə dünən cavab gəldi. Qeydləri göstərmişdik. Dedilər ki, siz haqlısız, Romao oynayacaq.
Qeyd edək ki, "Qarabağ" - "Dinamo" matçı sabah saat 20:45də başlayacaq.
