İdman.biz
"Təəssüf ki, ilk oyunda böyük hesabla uduzduq".
İdman.biz xəbər verir ki, bunu "Qarabağ"ın baş məşqçisi Qurban Qurbanov deyib.
Təcrübəli mütəxəssis Zaqrebdə qeydə alınan 0:3 hesablı məğlubiyyəti şərh edib: "Dinamo"nun gücünü bilirdik. Sona yaxın qol üçün hücuma atıldıq və müdafiədə boşluqlar verdik. Rəqib komanda bizi cəzlandırdı. Biz geridönüş etməyə çalışacağıq. İnanıram ki, biz öz meydanımızda qol vəziyyətlərindən daha yaxşı istifadə edəcəyik".
Qurban Qurbanov cəmi 1 əvəzetmədən istfadə olunmasına aydınlıq gətirib: "Buna lüzum görmədim, ona görə 1 dəyişiklik etdim. Biz çox qol vəziyyətləri yaratdıq. Amma unutmayaq ki, Nevistiç əla seyvlər etdi. Biz yaradılan qol vəziyyətlərindəm istifadə etməliydik. Bəzi oyunçularımız bu səviyyədə oyunlarda ilk dəfə iştirak edirlər, nəticədə təcrübəsizlik özünü göstərdi. İkinci hissədə çox boşluqlar verdik".
Qeyd edək ki, "Qarabağ"la "Dinamo" arasında cavab oyunu 1 həftə sonra Tofiq Bəhramov adına Respublika stadionunda olacaq.
İdman.biz
