Idman.biz
"Bizim üçün vacib oyundur".
İdman.biz xəbər verir ki, bunu "Qarabağ"ın baş məşqçisi Qurban Qurbanov Azərbaycan kubokunun "Qarabağ" və "Sabah" arasında keçiriləcək final matçının oyunöncəsi mətbuat konfransında deyib.
O bildirib ki, həlledici oyunlar bütün azarkeşləri bir yerə yığır, bayrama çevrilir: "Bu oyunda komanda azarkeşlərindən savayı neytral tərəflər olacaq. Kubok oyunu əlavə prestijdir. Baxmayaraq ki, çempionluğu təmin etmişik, yenə də yaxşı oyun nümayiş etdirmək istəyirik. Qarşımızda təşkilatlanmış, yaxşı komanda var. "Sabah" çempionatda hazırda beşinci yerdədir ancaq fikrimcə komanda daha yüksək yerə layiqdir".
Qeyd edək ki, final oyunu mayın 31-də keçiriləcək.
Aytac Sahədə
İdman.biz
