Idman.biz
"Möhtəşəm atmosfer vardı".
İdman.biz xəbər verir ki, bunu Azərbaycan kubokunun final oyunundan sonra keçirilən mətbuat konfransında "Qarabağ"ın baş məşqçisi Qurban Qurbanov deyib.
Təcrübəli mütəxəssis uduzduqları final oyunu ilə bağlı fikirlərini bölüşüb: "Sabah"ı təbrik edirəm. Qarşıdakı oyunlarda uğurlar arzu edirəm. Futbolçularım yaxşı oyun keçirdi. Benzianın reaksiyasına gəldikdə isə onu başa düşürəm. Oyunçu olaraq məğlub olmaq istəmir. Bu gün bizim üçün çox gərgin keçdi. Bəzən futbolda belə hallar olur. Benzianın reaksiyasında ciddi bir şey görmədim".
Qeyd edək ki, gərgin mübarizə şəraitində keçən qarşılaşmada "Sabah" əlavə vaxtda 3:2 hesabı ilə qalib gəlib.
Aytac Sahəd
İdman.biz
