Report.az
"Qarabağ"ın baş məşqçisi Qurban Qurbanov Ağdam təmsilçisinin UEFA Çempionlar Liqasının II təsnifat mərhələsindəki potensial rəqibləri - "Linfild" (Şimali İrlandiya) və "Şelburn" (İrlandiya) komandalarının oyununu izləmək üçün Şimali İrlandiyaya yollanıb.
"Report"un əldə etdiyi məlumata görə, təcrübəli mütəxəssis bu gün Avstriyada təlim-məşq toplanışını başa vuran və Bakıya yola düşən "köhlən atlar" kollektivinin arasında yer almayıb.
Qeyd edək ki, Belfastdakı "Windsor Park" stadionundakı matç Bakı vaxtı ilə saat 22:45-də start götürəcək. Komandalar arasında ilk görüş "Şelburn"un 1:0 hesablı qələbəsi ilə başa çatıb.
II təsnifat mərhələsinin ilk görüşləri iyulun 22-23-də, cavab qarşılaşmaları 29-30-da baş tutacaq.
