Sport24.az
"Qarabağ" UEFA Çempionlar Liqası Liqa mərhələsinin 3-cü turu çərçivəsində səfərdə "Atletik"in qonağı olacaq. Sport24.az xəbər verir ki, Azərbaycan çempionu bu gün İspaniyaya yola düşüb.
Ağdam təmsilçisinin baş məşqçisi Qurban Qurbanov səfər öncəsi açıqlama verib. 53 yaşlı mütəxəssis Bakıya yaxşı nəticə ilə qayıtmaq üçün çalışacaqlarını bildirib:
"Üstünlük bəlkə də rəqib tərəfdədir. Həm öz meydanlarında oynayırlar, həm də bu matça çox ciddi hazırlaşacaqlar. 2 turdan sonra xalları yoxdur. Bu komandaya qarşı sona kimi dözməyə çalışacağıq. Rəqibin son matçlarına baxmışam. Oyunlarında dinamika yüksək olur, sürətli hücumlara çıxırlar. "Atletik" rəqib cərimə meydançaasına topla ən tez gedən komandalardan biridir. Həm bizim üçün, həm də rəqib üçüb vacib qarşılaşmadır. Müsbət nəticə ilə dönmək üçün ən yaxşısını etməyə çalışacağıq".
Qeyd edək ki, "Atletik" - "Qarabağ" qarşılaşması oktyabrın 22-də "San Mames"də keçiriləcək və Bakı vaxtı ilə saat 20:45-də start götürəcək.
