İdman.biz
"Qarabağ" Qurban Qurbanovun baş məşqçi olduğu dövrdə 500-cü çempionat oyununu keçirib.
İdman.biz xəbər verir ki, bu, Misli Premyer Liqasının XI turuna təsadüf edib.
Ağdam klubu yubiley görüşündə "Şamaxı"nı 3:0 hesabı ilə məğlub edib.
17-ci mövsümdür "Qarabağ"ı çalışdıran Qurbanovun debütü 2008-ci avqustun 9-da "Bakılı" ilə səfər görüşünə təsadüf edib. Həmin qarşılaşmada onun komandası 2:1 hesabı ilə qalib gəlib. Ağdam klubu onun baş məşqçi olduğu müddətdə Premyer Liqada 315 qələbə qazanıb, 116 heç-heçə edib və 69 dəfə uduzub.
Qeyd edək ki, Qurbanov ölkə çempionatları tarixində həm eyni komandada, həm də ümumilikdə ən çox oyun keçirən baş məşqçidir.
İdman.biz
