Idman.biz
"Qarabağ" klubunun baş məşqçisi Qurban Qurbanov yanvarın 17-dək Antalyanın Belek bölgəsində yerləşən "Gloria Sports Arena"da keçiriləcək təlim-məşq toplanışına 16 yaşlı futbolçu Əli Bəşirovu da dəvət edib.
İdman.Biz xəbər verir ki, gənc futbolçu "Qarabağ"ın U-17 komandasının və Azərbaycan U-16 millisinin üzvüdür.
Qurbanovun onu əsas komandanın hazırlıq prosesinə cəlb etməsi klubun gənc oyunçulara verdiyi önəmin növbəti göstəricisi kimi qiymətləndirilir.
Qeyd edək ki, hər iki ayağı işlək olan Əli Bəşirov həm hücum xəttində, həm də yarımmüdafiədə çıxış edə bilir və çoxfunksiyalı oyunu ilə seçilir.
"Qarabağ" təlim-məşq toplanışı çərçivəsində Özbəkistanın "Neftçi" (Fərqanə) və Polşanın "Zaqlebie Lubin" klubu ilə yoxlama görüşləri keçirəcək.
