Sport24.az
Konfrans Liqasının pley-off mərhələsinin ilk oyunu çərçivəsində keçiriləcək "Omoniya" - "Zirə" oyununun hakimləri müəyyənləşib. Sport24.az xəbər verir ki, matçı Estoniyadan olan hakimlər briqadası idarə edəcək.
Baş hakim Yuri Frişer olacaq. Ona Veyko Motsnik və Sander Saqa kömək göstərəcək. Dördüncü hakim funksiyasını Kristo Küllyastinen yerinə yetirəcək. VAR-da Kristo Tohver, AVAR-da Yonas Yanovits əyləşəcək.
Qeyd edək ki, avqustun 22-də GSP stadionunda təşkil olunacaq matç Bakı vaxtı ilə saat 21:00-da start götürəcək. Bir həftə sonra baş tutacaq cavab qarşılaşmasının start fiti isə 20:00-da səslənəcək.
