Sport24.az
Misli Premyer Liqasının 2024/25 mövsümünün ilk het-triki qeydə alınıb. Sport24.az xəbər verir ki, bu, I turun "Zirə" – "Səbail" oyununda (4:1) reallaşıb.
Davit Volkov birinci hissədə üç qol vurub.
Gürcüstanlı hücumçu bununla da Azərbaycan çempionatları tarixinə düşüb. O, ən çox het-trik edən legioner adını qazanıb.
"Zirə"də ikinci dəfə belə uğura imza atan Volkov "Sabah"ın heyətində də bir het-trik müəllifi olub. Üç het-trikə imza atan ilk legioner kimi tarixə düşən gürcüstanlı hərəyə iki dəfə fərqlənən Əhməd Ticani, Junivan Suares, Anatoli Doroş, Bahodir Nasimov və Reynaldo Silvanı arxada qoyub.
