Sport24.az
"Zirə" "Osiyek"ə qarşı keçirəcəyi UEFA Konfrans Liqasının III təsnifat mərhələsinin ilk oyununa itki ilə çıxacaq. Sport24.az xəbər verir ki, "Şerif"lə oyunda meydandan qovulan Salifu Suma bu oyunu da buraxacaq.
21 yaşlı futbolçu birbaşa qırmızı vərəqə aldığından 3 oyunluq diskvalifikasiya edilmişdi. O, Konfrans Liqasının II mərhələsinin hər iki görüşünü də kənardan izləyib.
Qeyd edək ki, avqustun 8-də keçiriləcək "Osiyek" - "Zirə" matçı Bakı vaxtı ilə saat 22:00-da start götürəcək. Cavab görüşü bir həftə sonra Bakıda olacaq.
