Sport24.az
UEFA Konfrans Liqasında pley-off mərhələsinin oyunları davam edir. Sport24.az xəbər verir ki, bu turnirdə yeganə təmsilçimiz "Zirə" növbəti matçına çıxacaq. Avrokuboklarda ilk dəfə pley-offa yüksələn "qartallar" Kiprdə "Omoniya"nın qonağı olacaq.
Kipr mətbuatında paylaşılan fotolar isə maraqlı əks-səda doğurub. Belə ki, "Zirə" ötən gün Nikosiyadakı QPS stadionunda ilk məşqinə çıxdığı zaman "Omoniya"nın aşağı yaş qruplarında oynayan azyaşlı futbolçular "Qartallar"ın üzvlərinə böyük maraq göstəriblər. Futbolçularımızı salamlayan uşaqlar təmsilçimizin meydana girişini coşğu ilə qarşılayıblar.
Qeyd edək ki, Estoniyadan olan hakimlər briqadasının idarə edəcəyi görüş Bakı vaxtı ilə saat 21:00-da başlayacaq.
